Ֆինանսների փոխնախարարը նախարարների գերակշիռ մասից հարուստ է

Արդեն նշել ենք, որ բարձրաստիճան պաշտոնյաների էթիկայի հանձնաժողովը հրապարակել 2014 թվականին բարձրաստիճան պաշտոնատար անձանց և նրանց հետ փոխկապակցված անձանց գույքի և եկամուտների հայտարարագրերը։

Մենք ուսումնասիրել ենք ֆինանսների փոխնախարարների հայտարարագրերը: Իինչպես ակնկալում էինք, ֆինանսների ամենահարուստ փոխնախարարը Արմեն Ալավերդյանն է: Նա պաշտոնը ստանձնելու ժամանակ հայտարարագրել է 10 միլիոն դրամ և 387 հազար դոլար:

Ուշագրավ է, որ Արմեն Ալավերդյանը հարուստ է նաև նախարարների գերակշիռ մասից՝ Սփյուռքի նախարար Հրանուշ Հակոբյանից, առողջապահության նախարար Արմեն Մուրադյանից, արտաքին գործերի նախարար Էդվարդ Նալբանդյանից,  նախարարներ Արտեմ Ասատրյանից, Հասմիկ Պողոսյանից, Կարեն Ճշմարիտյանից, Արմեն Աշոտյանից:

Ֆինանսների փոխնախարարներ Վարդան Միրումյանը, Տիգրան Բարսեղյանը, Պավել Սաֆարյանը հայտարարագրել են 30-ից 36 միլիոն դրամ, իսկ «ամենաաղքատ» ֆինանսների փոխնախարարը Ատոմ Ջանջուղազայանն է`  22 միլիոն դրամով: