Թուրք տղամարդիկ կիսաշրջազգեստով դուրս կգան երթի՝ ընդդեմ կանանց դեմ բռության

Օրեր առաջ Թուրքիայում 20-ամյա աղջկա անմարդկային սպանությունից հետո երկրի տարբեր շրջաններում բողոքի և հանուն կանանց իրավունքների պաշտպանության տարբեր ցույցեր են տեղի ունենում: Կանանց նկատմամբ բռնության, ոտնձգության և բռնաբարության դեմ ոտքի են կանգել անգամ տղամարդիկ. գրում է Hurriyet-ը:

Կայքը տեղեկացնում է, որ շաբաթ օրը Թաքսիմի հրապարակում տեղի կունենա երթ, որի ընթացքում տղամարդիկ կլինեն կարճ կիսաշրջազգեստներով: «Ֆեյսբուք»-ի` միջոցառման մասին տեղեկացնող էջում նշված է, որ, նախնական տվյալների համաձայն, երթին կմասնակցի 1500 տղամարդ:

«Ֆեյսբուք»-ում տարածված հայտարարության մեջ նշված է. «Քայլում ենք կարճ կիսաշրջազգեստներով՝ հանուն բոլոր կանանց»: