Թախտիի գավաթ. հայ ըմբիշները մեդալ չնվաճեցին

 Թեհրանում ավարտված Թախտիի գավաթի միջազգային ավանդական՝ 35-րդ խաղարկությունում մարզիչներ Հաբեթնակ Կուրղինյանի և Սուրեն Մարկոսյանի ղեկավարությամբ հիմնականում Հայաստանի ընտրանու 2 և 3-րդ համարներով համալրված մեր երկրի պատվիրակներին չհաջողվեց մրցանակ նվաճել: 

Ինչպես տեղեկացնում է Հայաստանի ըմբշամարտի ֆեդերցիայի պաշտոնական կայքը, մրցաշարին հայտավորված Հայաստանի 11 ըմբիշներից առավել հաջող էին 2-րդ օրը հանդես եկած Նարեկ Սիրունյանի (65 կգ) և Իշխան Պողոսյանի (70 կգ) մրցելույթները: Նրանք շատ մոտ էին ստուգատեսի բրոնզե պարգևին, սակայն երկուսն էլ տանուլ տվեցին 3-րդ տեղի համար գոտեմարտերն ու զբաղեցրին 5-րդ տեղը: 

Նշենք, որ վնասվածքի պատճառով մրցավայր չկարողացավ մեկնել Միհրան Ջաբուրյանը (57 կգ ): 
Մրցաշարի 2-րդ օրը, ինչպեսև առաջին օրն էր, մրցանակների «առյուծի» բաժնին տիրացան տանտերերը՝ իրանցի ըմբիշները: Նրանք երեկ խաղարկված 16 մեդալներից նվաճեցին 14-ը (4 ոսկե, 3 արծաթե, 7 բրոնզե): 
Դա էլ օգնեց Իրանի հավաքականին թիմային պայքարում բացահայտ առավելությամբ գրավել 1-ին տեղը:
1. Իրան՝ 79 միավոր,
2. Վրաստան՝47,
3.Հնդկաստան՝ 21,
4. Ուկրաինա՝ 17,
5. Ադրբեջան՝ 14,
6. ՀԱՅԱՍՏԱՆ՝ 13 միավոր: 

Նշենք, որ մրցաշարի կազմակերպիչները բավական խոշոր դրամական մրցանակներ էին սահմանել. 1-ին տեղ՝ 20 հազար, 2-րդ՝ 12 հազար, 3-րդ՝ 8 հազար դոլար: 

Իսկ ահա +90 կգ քաշային կարգում առանձին հատուկ վիճարկված գլխավորը մրցանակը ՝ 40 հազար դոլար բաժին հասավ իրանցի ըմբիշ Ջաբեր Սադեղզադեհին