Առաջիկա օրերին դրամի արժեզրկումը կկարգավորվի

Լրագրողների հետ զրույցում խոսելով գնաճի մասին` վարչապետ Հովիկ Աբրահամյանը հայտարարեց, որ դա իրենց մտահոգում է, եւ որ փորձելու են օգտագործել լծակներ, որպեսզի գնաճը լինի ոչ ավելի, քան պետք է լինի:

«Ես խոսում եմ` մոնիտորինգի արդյունքներին ծանոթանալով: Դրա համար այսօր հանձնարարեցի, որպեսզի կառավարության հաջորդ նիստում ներկայացնեն, ևս մեկ անգամ դիտարկենք: Մենք փորձում ենք ամեն ինչ անել: Դա կապված չէ մեր ներքին տնտեսական զարգացումների հետ, դա ուղղակի տարածաշրջանային զարգացումների արդյունք է, որն ունենում է իր բացասական ազդեցությունը: Մենք պետք է փորձենք ամեն ինչ անել, որպեսզի դա սահուն անցկացնենք: Այստեղ ներդրողների խնդիրն է դժվարանում»,-հայտարարեց վարչապետը:

Նա նաեւ համոզմունք հայտնեց, որ առաջիկա մի քանի օրերի ընթացքում դոլարի տատանումները կկարգավորվեն:

Լրագրողների դիտարկմանը, թե համոզվա՞ծ է, որ դրամի արժեզրկումը կանգ կառնի, Աբրահամյանը հակադարձեց. «Բա եթե վարչապետը համոզված չլինի, ո՞վ պետք է լինի համոզված: Իմ տեղեկատվությունը ավելի շատ է, քան ձերը»: