Մանաթի արժեզրկումը թուլացնում է ադրբեջանցի զինծառայողների սոցիալական պաշտպանությունը

Մանաթի արժեզրկումը թուլացնում է զինծառայողների` առանց այդ էլ թույլ  սոցիալական պաշտպանությունը:  Այդ մասին հայտնել է Ռազմական հետազոտությունների կասպյան ինստիտուտը (Caspian Defense Studies Institute), որը գլխավորում է ռազմական փորձագետ, վտարանդիության մեջ գտնվող Ջասուր Սումերինլին (2014-ին իշխանությունների ճնշման հետեւանքով լքել է Ադրբեջանը եւ բնակություն հաստատել Եվրոպայում). գրում է Кавказский узел-ը:

Այսպես՝  թիկունքում ծառայող լեյտենանտներն ամսական ստանում են ընդամենը 500 մանաթ (ընդամենը 525 դոլար), իսկ ենթասպաներն ու ժամկետային զինծառայության մեջ գտնվող սերժանտները՝ դրանից էլ քիչ: Այդ գումարն ադեկվատ չէ երկրի ռազմական բյուջեին, որը կազմում է 4 միլիարդ դոլար:

«Խնդիրներ կան նաև զինծառայողներին բնակարանով ապահովելու հարցում: Թեեւ մի քանի տարի առաջ պետության ղեկավարը հրամանագիր է ստորագրել զինծառայողների բնակության պայմանները բարելավելու մասին, և մոտ 300-400 մարդ ստացել է բնակարաններ, մոտ 1000 գործող զինծառայող ու էլ ավելի շատ պահեստազորի սպա շարունակում են մնալ հերթի մեջ, և հայտնի չէ, թե երբ կստանան բնակարան»,- ասել է նա: