Եթե Ծառուկյանը պահանջի Սերժ Սարգսյանի հրաժարականը...

Եթե Գագիկ Ծառուկյանը գնա իշխանափոխության, Սասուն Միքայելյանը նրա հետ է լինելու: «Իսկ եթե սրանք մնան` հնարավորություն չկա»,- այսօր լրագրողների հետ հանդիպման ժամանակ հայտարարեց ազատամարտիկ, նախկին պատգամավորը: «Էսօր նենց իրավաիճակ ա, որ չարագույնի փոքրագույնը պետք է գտնես»,- ասաց նա:

Նա նշեց, որ Ծառուկյանի կողքին կկանգնի այն դեպքում, եթե պահանջեն Սերժ Սարգսյանի հրաժարականը:

Հարցին, թե իրատեսական համարո՞ւմ է նախագահի պաշտոնում Ծառուկյանի առաջադրումը, Միքայելյանը պատասխանեց` ժամանակը ցույց կտա: «Էս տարիների ընթացքում էս իշխանություններն ուզել են բաժանել, մասնատել ժողովրդին: Էս իրավիճակից ելնելով միայն` գնալ ԵՏՄ, կտրվել ամբողջ աշխարհից, մեծ վտանգ է: Հիմա սրանք մի ուղի են բռնել` գնում են»,- ասաց նա:

Դիտարկմանը, թե Ծառուկյանն էլ է այդ ուղին բռնել, նա պատասխանեց. «Գոնե էն ժամանակ, երբ իշխանափոխություն լինի, գոնե նման մարդկանցով ուրիշ ուղի բռնենք, սրանց հետ անհնարին է»: