Ռուսաստանը խոր հարգանք է տածում Աթաթուրքի հիշատակի նկատմամբ. Պուտին

Ռուսաստանի նախագահ Վլադիմիր Պուտինը երեկ պաշտոնական այցով մեկնել էր Թուրքիա: Նա օդանավակայանից ուղևորվել էր դեպի Աթաթուրքի դամբարան:

Թուրքական Hurriyet-ը հրապարակել է, թե ինչ է Ռուսաստանի նախագահը գրել Աթաթուրքի դամբարանում գտնվող հուշամատյանում:

«Ռուսաստանը խոր հարգանք է տածում Թուրքիայի Հանրապետության հիմնադիր Մուսթաֆա Քեմալ Աթաթուրքի հիշատակի նկատմամբ։ Մենք շատ ենք արժևորում Թուրքիայի առաջին նախագահի ներդրումը մեր երկրների միջև բարեկամական հարաբերությունների ստեղծման հարցում։ Իմ հարգանքը՝ թուրք ժողովրդին...»,- գրել է Պուտինը:

Ի դեպ, նա Թուրքիայի նախագահական պալատում իր պատվին ընդունելության ժամանակ թուրքերենով է ողջունել պատվո պահակախմբի զինվորներին։