Էրդողանն անձնական թշնամանք է տածում. Քըլըչթարօղլու

Թուրքիայում հիմնական ընդդիմադիր Ժողովրդա-հանրապետական կուսակցության ղեկավար Քեմալ Քըլըչթարօղլուն համացանցի իր անձնական էջում հայտնել է, որ երկրի նախագահ Էրդողանը ապօրինաբար վերհսկիչներ է նշանակում խմբագրատների վրա:

Ըստ Demokrathaber-ի՝ Քըլըչթարօղլուն հիշեցրել է Kaynak և Koza İpek հոլդինգներում իրականացված վերահսկողական գործողությունները՝ ասելով. «Աշխարհը տնտեսական զարգացման նպատակով խոշոր ընկերություններին ձեռքերի վրա է պահում, իսկ Թուրքիան խոշոր հոլդինգների վրա լավ աշխատավարձերով վերահսկիչներ է նշանակում: «Ինձ դավաճանեցին» ասելով՝ Էրդողանն ապացուցում է, որ անձնական թշնամանք է տածում: Սակայն դա ոչ թե վրեժի, այլ արդարության հարց է»:

Հիշեցնենք, որ երեկ Թուրքիայում վերահսկողական գործողությունների ընթացքում աշխատանքից ազատվել էր Bugun TV-ի պոլսահայ լրագրող Հայկո Բաղդադը: