Հայամետ թուրք գրողը հրաժարվել է մասնակցել Դավութօղլուի կազմակերպած հանդիպմանը

Հայամետ թուրք գրող, պրոֆեսոր Բասքըն Օրանը հրաժարվել է ներկա գտնվել Թուրքիայի վարչապետ Ահմեդ Դավութօղլուի կազմակերպած՝ մտավորականների հետ հանդիպմանը, որի ընթացքում պետք է քննարկվի ԻՇԻՊ-ի հարձակումների հարցը:

Ըստ T24-ի՝ Օրանն ասել է. «Ես չեմ մասնակցի այն պետության կազմակերպած հանդիպմանը, որն ԻՇԻՊ-ին և Քրդական բանվորական կուսակցությանը հավասար աչքով է նայում: Ես, այդ հանդիպմանը մասնակցելով, քրդերից ժամանակ խլելու գործիք չեմ դառնա»:

Ըստ տեղեկությունների՝ վարչապետի նստավայրը հրավիրատոմսում հայտնել է, որ  մտավորականներին անձամբ Դավութօղլուն է հրավիրել. «Դավութօղլուն ցանկություն ունի Ձեզ հետ ծանոթանալու»:

Մտավորականների հանդիպումը կկայանա այս կիրակի: