Արմեն Գեւորգյանը՝ ԱԱ՞ԽՔ

Արդեն տեւական ժամանակ է` մամուլը գրում է փոխվարչապետ, տարածքային կառավարման նախարար Արմեն Գևորգյանի հրաժարականի մասին: Որոշ հրապարակումների համաձայն` Գեւորգյանն արդեն հրաժարականի դիմում է գրել: Նշենք, սակայն, որ, մեր տեղեկություններով, հրաժարականի դիմում, որպես այդպիսին, դեռ չկա:

Գեւորգյանը, մեր աղբյուրների տեղեկացմամբ, որոշ ժամանակ էլ կշարունակի պաշտոնավարել` որպես փոխվարչապետ, տարածքային կառավարման նախարար, իսկ հրաժարականից հետո շատ հավանական է, որ նշանակվի ԱԱԽ քարտուղար: Հիշեցնենք, որ այս տեղը թափուր է մնացել Արթուր Բաղդասարյանի՝ ընդդիմադիր դառնալուց հետո:

Տարածքային կառավարման նախարարության հասարակայնության հետ կապերի բաժնի պետ Զոյա Բարսեղյանը մեր թղթակցի հետ զրույցում ասաց, որ նախարարն աշխատում է բնականոն ռեժիմով, այլ տեղեկություններ չկան:

Նշենք, որ վարչապետ Հովիկ Աբրահամյանի՝ ԱՄՆ մեկնելուց հետո վարչապետի պարտականությունները կատարելու է Արմեն Գեւորգյանը, նաեւ վարելու է կառավարության այս շաբաթվա նիստը: