Հովիկ Աբրահամյանը Արամ Մանուկյանին լկտի անվանեց եւ նախազգուշացրեց

ԱԺ նիստում կառավարության հետ հարցուպատասխանի ժամանակ «Ժառանգություն» խմբակցության պատգամավոր Զարուհի Փոտանջյանը հարց ուղղեց Հովիկ Աբրահամյանին, որը վերաբերում էր Սյունիքի վերանշանակված մարզպետ Սուրիկ Խաչատրյանին: Նշենք, որ նրանից առաջ նույն հարցն էր բարձրացրել ԱԺ պատգամավոր Նիկոլ Փաշինյանը: Զարուհի Փոստանջյանը նշեց, որ Սյունիքի մարզի թափուր պաշտոնի համար Հովիկ Աբրահամյանն ու Սերժ Սարգսյանը որոշել են թեկնածու փնտրել հանցագործ աշխարհից: «Սխոդկայի ընթացքում որոշվել է, որ լավագույն թեկնածուն Լիսկան է»,- ասաց պատգամավորը:

«Չափի մեջ խոսենք… Օգտվելով առիթից` ուզում եմ ասել, որ կոռեկտ չեմ համարում, որ պատգամավորները գնում են միտինգների եւ հայհոյում այս կամ այն քաղաքացու կամ երկրի ղեկավարին: Հարկավոր է նման լկտի պատգամավորներին կարգի հրավիրել»,-հայտարարեց Աբրահամյանը: Մանրամասները՝ տեսանյութում:

Հիշեցնենք, որ Աբովյանում կայացած հանրահավաքի ժամանակ ԱԺ ՀԱԿ խմբակցության ղեկավար Արամ Մանուկյանն անուղղակի կերպով հայհոյել էր Սերժ Սարգսյանին: