Քաղաքական մեծամասնությունն էլ է գտնում, որ կա խնդիր. Միքայել Մելքումյան

Ավելի վաղ ԱԺ նախագահ Գալուստ Սահակյանը հայտարարել էր, որ 13:30-ին հրավիրվելու է խորհրդակցություն` բոլոր խմբակցությունների ներկայացուցիչների մասնակցությամբ, որի ընթացքում քննարկվելու են «Շրջանառության հարկի մասին» օրենքի հետ կապված խնդիրները։

Հանդիպումից հետո ԲՀԿ խմբակցության պատգամավոր Միքայել Մելքումյանը լրագրողներին հայտնեց, որ որոշվել է 16:30-ին` կառավարության հետ հարցուպատասխանից առաջ, հանդիպել կառավարության ներկայացուցիչների հետ:

«Կան լուծումներ, որոնց պետք է կարգավորումներ տալ։ Մեր դիրքորոշումներն, ընդհանուր առմամբ, կհստակեցնենք, իսկ հետագան աշխատանքային կարգավորման խնդիր է։ Բայց այն, որ բոլոր քաղաքական ուժերը հայտնեցին իրենց մտահոգությունը, ակնհայտ է։ Իրոք, նաև քաղաքական մեծամասնությունն է գտնում, որ կա խնդիր և պետք է լուծել»,- ասաց պատգամավորը: