Նալբանդյանն Էրդողանին է հանձնել Սերժ Սարգսյանի պաշտոնական հրավերը

Օգոստոսի 28-ին արտգործնախարար Էդվարդ Նալբանդյանը Անկարայում ներկա գտնվեց Թուրքայի նորընտիր Նախագահ Ռեջեփ Թայիփ Էրդողանի պաշտոնի ստանձնման արարողությանը։

Չանկայայի նախագահական պալատում կայացած` Թուրքիայի նախկին նախագահ Աբդուլլահ Գյուլից Ռեջեփ Թայիփ Էրդողանին իշխանության փոխանցման արարողությանը մասնակցել են մի քանի տասնյակ երկրների բարձրաստիճան պատվիրակություններ։ Արարողությունից հետո` պատվիրակությունների ղեկավարների պատվին տրված ընդունելության ժամանակ, նախարար Նալբանդյանը կարճատև զրույց է ունեցել նախագահ Էրդողանի հետ, որին հանձնել է ՀՀ նախագահ Սերժ Սարգսյանի պաշտոնական հրավերը՝ 2015թ. ապրիլի 24-ին ներկա գտնվել Երևանում կայանալիք` Հայոց ցեղասպանության զոհերի հիշատակի ոգեկոչման արարողությանը։

ՀՀ ԱԳ նախարարության լրատվական ծառայություն