Սերժ Սարգսյանի հրավերը՝ ռուս ներդրողներին

ՀՀ նախագահ Սերժ Սարգսյանը հարցազրույց է տվել Россия հեռուստաընկերության «Мнение» հաղորդաշարին, որի ընթացքում անդրադարձել է ռուս-հայկական հարաբերություններին, ԵՏՄ-ին, Հայոց ցեղասպանության 100-ամյա տարելիցի միջոցառումներին եւ Թուրքիայի հետ հարաբերություններին։

Խոսելով ՀՀ-ի` ԵՏՄ մտնելու մասին՝ Սարգսյանը նշել է, որ դա շատ լավ ձեռքբերում է Հայաստանի համար: Նա հույս է հայտնել, որ շուտով կհայտնվեն գործարաններ, որոնք կգործեն ՀՀ տարածքում, իսկ դրանց արտադրանքը կվաճառվի ԵՄ կամ ԵՏՄ շուկաներում:

Սարգսյանը նշել է, որ վերջերս այցով գտնվել է Չինաստանում, և շատ ընկերություններ հետաքրքրված են եղել Մետաքսի ճանապարհի շուրջ տնտեսական գոտու ստեղծմամբ:

«Այդ իսկ պատճառով ես հրավիրում եմ ռուս ներդրողներին` մասնակցություն ունենալ ՀՀ տնտեսական զարգացման գործին»,- նշել է ՀՀ նախագահը: