Ազգային երգն ու պարը` հանրակրթական առարկա

Այսօր լրագրողների հետ հանդիպման ժամանակ ՀՀ ԿԳ նախարար Արմեն Աշոտյանը հայտնեց, որ այս ուսումնական տարվանից հանրակրթական դպրոցներում փորձ է արվելու ներդնել նոր հանրակրթական առարկա` ազգային երգն ու պարը:

Նախարարը տեղեկացրեց, որ 10 դպրոցում 1,5-2 տարի փորձարկում կիրականացվի և կորոշվի, թե ո՞ր դասարանից է ներդրվելու ծրագիրը:

«Բացի այդ, մենք համագործակցում ենք ՀՀ ՊՆ-ի և Երկրապահ կամավորականների միության հետ և ռազմահայրենասիրական նոր հայեցակարգ ենք մշակում` հաշվի առնելով նաև սահմանում տեղի ունեցող վերջին դեպքերը: Նոր հայեցակարգը համապատասխան ծրագիր դարձնելու և դպրոցներում կիրառելու քայլեր են արվում»,- ասաց նախարարը: