Գերեվարված ադրբեջանցու եղբայրը տարօրինակ հայտարարություններ է արել

Արդեն հայտնել ենք,  որ ԼՂՀ  պաշտպանության նախարարությունը  հրապարակել էր ադրբեջանական դիվերսիոն-հետախուզական խմբի գերեվարված անդամ Գուլիև Շահբազ Ջալալօղլուի լուսանկարները:

Оxu.az կայքը գրում է, որ նրա ավագ եղբայրը՝ Իլհամ Գուլիևը, խոսել է Teleqraf.com-ի հետ և նշել, որ  իր եղբայրը նախկինում էլ է հաճախ այցելել Քարվաճառ՝ տեսանկարահանումներ անելու: Իլհամ Գուլիևը նշել է, որ իր եղբայրը զինծառայող չէ:

Եղբոր խոսքերով՝ Գուլիևն ամուսնացած է, դուստր ունի:

«Մենք շատ անգամ ենք նրան խնդրել չվտանգել կյանքը, բայց չի լսել մեզ: Մենք շատ անհանգստացած ենք»,- ասել է Իլհամ Գուլիևը:

«Հունիսի 18-ից հետո նրանից տեղեկություն չունենք: Սովորաբար, նա մենակ չէր գնում Ղարաբաղ»,- ասել է նա: