Պետք է հարգել այն, ինչ 2 դար առաջ կերտել են մարդիկ. Տիգրան Համասյանն Աֆրիկյանների շենքում էր /լուսանկարներ/

Ի պաշտպանություն Աֆրիկյանների շենքի պահպանման, արդեն տեղակացրել ենք, տեղում այսօր ելույթով հանդես եկավ անվանի ջազ-դաշնակահար Տիգրան Համասյանը:

Ներկաներին նա հորդորեց թշնամաբար չտրամադրվել միմյանց հանդեպ:

«Չմոռանանք, որ բոլորս պետք է իրար սիրենք: Կարող է շատ պարզ հնչել, բայց ամենակարևոր բանը դա է: Շենքում պատմության շունչը կա, և այդ պատմությունը պետք է պարզապես հարգել: Պետք է հարգել նաև այն, ինչ կերտել են մարդիկ 2 դար առաջ: Հարցը պետք է լուծվի, բայց պետք չէ թշնամաբար մոտենալ` երկու կողմերն էլ»,- ասաց Համասյանը:

Նա ցանկություն հայտնեց նաև լինել շենքի ներսում, բայց ոստիկաններն այսօր առավոտից շրջապատել էին շենքը և այնտեղ ելումուտ անել չէին թողնում:

«Ամեն ինչ լավ է լինելու»,- հույս հայտնեց Համասյանն ու հեռացավ:

Մանրամասները` տեսանյութում: