Թեժ բանավեճ` Բաքվում. հայ պատգամավորներն ընդհատել են ադրբեջանցիների բարբաջանքները

 Արդեն հայտնել ենք, որ Բաքվում անցկացվող` ՆԱՏՕ-ի Խորհրդարանական վեհաժողովի «Rose-Roth» սեմինարին մասնակցելու համար Ադրբեջան է մեկնել հայկական պատվիրակությունը՝ պատգամավոր Կորյուն Նահապետյանի գլխավորությամբ։

Ադրբեջանական АПА-ն հայտնում է, որ ադրբեջանցի պատգամավորների՝ ԼՂ հակամարտության հարցով ելույթների ժամանակ հայ պատգամավորները տեղից առարկել են և «խանգարել Վեհաժողովի աշխատանքներին»:

Ադրբեջանցի պատգամավորները, հավատարիմ մնալով իրենց երկրի ագրեսիվ քաղաքականությանը, հայտարարություններ են արել «օկուպացված» հողերի վերադարձի, Ադրբեջանի «տարածքային ամբողջականության» մասին, ինչն առաջացրել է հայ պատգամավորների դժգոհությունը:

Կորյուն Նահապետյանն իր ելույթում պնդել է, որ բանակցություններում պետք է ներգրավված լինեն ոչ միայն Հայաստանն ու Ադրբեջանը, այլ նաև ԼՂՀ-ն: Նա ընդգծել է ԼՂՀ ժողովրդի ինքնորոշման իրավունքի առաջնահերթությունը: Ադրբեջանցի պատգամավորներն, ի պատասխան, ասել են, որ եթե Հայաստանն իսկապես ձգտում է դրան, ապա թող մի կողմ քաշվի, և Ադրբեջանն ինքը այդ հարցը լուծի ԼՂՀ ժողովրդի հետ:

Պատգամավոր Թևան Պողոսյանն առաջարկել է ծանոթանալ ՄԱԿ-ի՝ ԼՂՀ-ի հարցով 4 բանաձևերին, հետո նոր Հայաստանին ագրեսոր անվանել:

Առաջին ընդմիջումից հետո Վեհաժողովը շարունակվում է: