Մեր գլխավոր նպատակն ապագայի համար խաղացողներ գտնելն է. Բեռնար Շալանդ

Այսօր ֆուտբոլի ակադեմիայում կայացավ Հայաստանի և Լեհաստանի` մինչև 19 տարեկանների հավաքականների ընկերական հանդիպումը, որում մեր հավաքականը պարտվեց 0:2 հաշվով: Խաղից հետո ՀՖՖ պաշտոնական կայքը զրուցել է Հայաստանի ազգային հավաքականի գլխավոր մարզիչ Բեռնար Շալանդի հետ: Շվեյցարացի մասնագետը խոսել է խաղից ստացած իր տպավորությունների մասին:

«Բավականին օգտակար խաղ էր մեզ համար: Սա առաջին խաղն էր՝ նոր գլխավոր մարզչի՝ Սարգիս Հովսեփյանի գլխավորությամբ: Այսօր որոշվել էր ասպարեզ հանել խառը կազմ: Ֆուտբոլիստների մոտ կար խաղակցվածության որոշակի խնդիր: Մեր հիմնական կազմը կխաղա երկրորդ խաղում: Կոնկրետ այս խաղում ամեն ինչ չէր, որ լավ էր, կային խաղային որոշակի խնդիրներ, բայց կարևորն այն է, որ կային պայքար և ցանկություն: Բացի դրանից՝ մեր գլխավոր նպատակը ապագայի համար 4-5 խաղացող գտնելն է: Կարծում եմ՝ մայիսի 15-ին մենք կկարողանանք ավելի հաջող հանդես գալ»,- ասել է Բեռնար Շալանդը:

Լուսանկարը՝ ffa.am-ի