Թուրք գործիչները «նամյոկ» անելու համար չեն այստեղ. Արագած Ախոյան

Այս օրերին Հայաստանում են թուրքական «Կանաչներ և ձախ ապագա» կուսակցության ներկայացուցիչները:

Լրագրողների հետ հանդիպման ժամանակ ՀՀ ԱԺ պատգամավոր Արագած Ախոյանն ասաց, որ սա առաջին դեպքն է` հրապարակավ քաղաքացիական հասարակությունների հետ երկխոսություն սկսելու:

«Նրանք չեն եկել` հարաբերությունները շտկելու կամ մեզ ինչ-որ բան համոզելու, նրանք այստեղ են` երկխոսություն սկսելու համար: Մենք շատ լավ գիտենք` ինչ է կատարվում Թուրքիայում, և այս գործիչները «նամյոկ» անելու համար չեն այստեղ: Ոմանց թվում է, թե հայ-թուրքական հարաբերություններում որքան պատը ամուր ու հաստ լինի, այնքան ապահով: Այդպես չէ` որքան այդ պատը թափանցիկ լինի, այնքան ավելի լավ երկու ժողովուրդներիս համար էլ»,- ասաց պատգամավորը` հավելելով, որ թուքերի հետ քննարկումներ, հանդիպումներ են լինելու: