Չեմպիոնների լիգա. «Վիսենթե Կալդերոն»-ը ցնծում է, «Ատլետիկո»-ն կիսաեզրափակիչում է

Ավարտվեցին Չեմպիոնների լիգայի քառորդ եզրափակիչի վերջին 2 պատասխան խաղերը:

«Ատլետիկո Մադրիդ»-ը սեփական հարկի տակ ընդունեց «Բարսելոնա»-ին: Մադրիդցիները հենց առաջին րոպեներից խելակորույս գրոհներ ձեռնարկեցին, ինչի արդյունքում 5-րդ րոպեին Կոկեն բացեց հաշիվը: Առաջին խաղակեսն անցավ դաշտի տերերի բացահայտ առավելությամբ, իսկ 2-րդում կատալոնացիները փորձեցին հավասարեցնել խաղը, սակայն հաշվի մեջ փոփոխություն տեղի չունեցավ: «Բարսելոնա»-ն դուրս մնաց հետագա պայքարից:

Մյուս խաղում «Բավարիա »-ն Գերմանիայում մրցեց «Մանչեսթեր Յունայթեդ »-ի հետ: Հիշեցնենք, որ այս դիմակայության առաջին խաղում թիմերը փոխանակել էին մեկական գնդակ: Այս խաղում առաջինը հաջողության հասան հյուրերը: 57-րդ րոպեին Էվրան առաջ մղեց անգլիական ակումբին և հաջորդ փուլ դուրս գալու հույսեր ներշնչեց իր թիմին, սակայն խփած գոլից 2 րոպե անց Մանջուկիչը կոտրեց անգլիացիների հույսերը:  68-րդ րոպեին Մյուլլերը հաշիվը դարձրեց 2:1, իսկ 76-րդ րոպեին Ռոբբենը պատասխանեց այս դիմակայությանը վերաբերող բոլոր հարցերին: «Բավարիա»-ն կիսաեզրափակիչում է: