Ստանիսլավսկու անվան թատրոնը տոնում է իր 75-ամյակը

Այսօր Կ. Ստանիսլավսկու անվան ռուսական պետական դրամատիկական թատրոնում կնշվի թատրոնի հիմնադրման 75-ամյակը:

Հոբելյանական միջոցառման շրջանակում կկայանա թատրոնի ցուցահանդես-թանգարանի բացման արարողությունը, որտեղ կցուցադրվեն արխիվային լուսանկարներ, զգեստներ, որոնք տարբեր ներկայացումներում և ժամանակներում կրել են թատրոնի առաջատար դերասանները, ինչպես նաև հուշանվերներ ու պատվոգրեր, որոնք թատրոնը ստացել է հայ և ռուս մշակութային գործիչներից:

Այնուհետև կկայանա հոբելյանական երեկոյի հանդիսավոր մասը` թատերականացված-համերգային ծրագիրը, որը կընդմիջվի դերասանների կողմից պատրաստված երգիծական պատումներով:

Հոբելյանական երեկոյին ներկա կլինեն ՌԴ ժողովրդական արտիստ, «Մոդեռն» թատրոնի ղեկավար Սվետլանա Վրագովան, Բելառուսի Բրեստ քաղաքի դրամատիկական թատրոնի գեղարվեստական ղեկավար և տնօրեն Ալեքսանդր Կոզակը, նաև դերասաններ, ովքեր երկար տարիներ աշխատել են Կ. Ստանիսլավսկու անվան ռուսական պետական դրամատիկական թատրոնում /այդ թվում՝ ԽՍՀՄ ժողովրդական արտիստ Գենադի Կորոտկովը/: