Օպերայի թատրոնի տնօրեն դառնալու համար պայքարելու է ինը մարդ

Ալ. Սպենդիարյանի անվան օպերայի եւ բալետի ազգային ակադեմիական թատրոնի տնօրենի թափուր պաշտոնը զբաղեցնելու համար դիմում է ներկայացրել 9 անձ. yerkir.am-ի հետ զրույցում նշեց ՀՀ մշակույթի նախարարության աշխատակազմի հասարակայնության հետ կապերի բաժնի պետ Ալլա Սերոբյանը:

Նա տեղեկացրեց, որ մասնակիցների ընտրությունը կատարվելու է երկու փուլով` թեստային եւ հարցազրույցի միջոցով:

«Թե ովքե՞ր են դիմել` մրցույթին մասնակցելու համար, չենք կարող ասել, քանի որ օրենքով արգելվում է: Ինչ վերաբերում է հանձնաժողովի անդամներին, ապա պետք է նշեմ, որ հանձնաժողովը ձևավորվում է 24 ժամ առաջ»,- ասաց Սերոբյանը:

Ի դեպ, քննություններին լրատվամիջոցների մուտքն արգելված է: