Ուկրաինան պառակտում է առաջացնում ՀԱՊԿ-ում

Ղրղզստանի ԱԳՆ-ն երեկ Ուկրաինայի հարցով անսպասելի հայտարարությամբ է հանդես եկել։ Բիշքեկը հայտարարել է, որ Վիկտոր Յանուկովիչին Ուկրաինայի լեգիտիմ նախագահ չի համարում, իսկ նրա վերջին ելույթն անտեղի և ոչ ադեկվատ է: Այսպիսով՝ Ղրղզստանն ՀԱՊԿ անդամ առաջին երկիրն է, որի դիրքորոշումը Ուկրաինայի վերաբերյալ չի համընկնում Մոսկվայի դիրքորոշման հետ. գրում է Коммерсант-ը:

Ըստ ղրղզական  kloop.kg կայքի` չնայած հաղորդագրության մեջ չի բացահայտ չի  նշվում, սակայն Ղրղզստանի իշխանությունները գրեթե ճանաչել են Ուկրաինայի նոր իշխանություններին։

«Այսպիսով՝  Ղրղզստանը դարձել է ՀԱՊԿ առաջին անդամ պետությունը, որը հրապարակավ վիճարկում է Ռուսաստանի դիրքորոշումն Ուկրաինայի հարցում, քանի  որ Մոսկվան Վիկտոր Յանուկովիչին դեռ Ուկրաինայի լեգիտիմ նախագահ է համարում»,- գրում է թերթը:

«Միևնույն ժամանակ, ՀԱՊԿ գլխավոր քարտուղար Նիկոլայ Բորդյուժայի` վերջերս արած հայտարարությունում ասվում է, որ կազմակերպությունը լիովին կիսում է Մոսկվայի տեսակետն Ուկրաինայի հարցում»,- նշում է թերթը։