Լևոն Խեչոյանի վերջին գիրքը հանձնվեց ընթերցողի դատին (լուսանկարներ)

Այսօր Կամերային երաժշտության տանն ընթերցողի դատին հանձնվեց ժամանակակից հայ արձակագիր Լևոն Խեչոյանի վերջին` «Մհերի դռան գիրքը» վեպը:

Ասում են` գրեթե մեկ ամիս նա գիշերները չէր կարողանում քնել, իսկ գիրքը տեսնելուց հետո սկսել է քնել: Վեպի առաջին ընթերցողը եղել է Խեչոյանի կինը:

Գիրքը հրատարակել է «Անտարես» հրատարակչությունը: Վեպի շնորհանդեսին ներկա էին ՀՀ մշակույթի նախարար Հասմիկ Պողոսյանը, ՀԳՄ նախագահ Էդվարդ Միլիտոնյանը, ԱԺ պատգամավորներ, գրողներ, արվեստասերներ:

Վեպի խմբագիր, բանաստեղծ, թարգմանիչ Հակոբ Մովսեսն իր ելույթում «Մհերի դռան գիրքը» վեպը որակեց որպես Լեւոն Խեչոյանի հավերժ վերադարձ եւ ոգեկոչում: «Լեւոն Խեչոյանը ստեղծել է գործեր, որոնց տեղը մեր արձակի մեծ վարպետների ստեղծագործությունների կողքին է»,- ասաց նա: