Հուզվածություն կա, բայց` չափի մեջ. Սերգեյ Միքայելյան

Ձմեռային 22-րդ օլիմպիական խաղերի մրցութային 9-րդ օրը հայ դահուկորդներ Սերգեյ Միքայելյանը և Արթուր Եղոյանը կմրցեն 15 կմ մրցատարածությունում:

 Հիշեցնենք, որ սկիաթլոնում Սերգեյ  Միքայելյանը 68 մարզիկների մեջ զբաղեցրեց 46-րդ տեղը, իսկ Եղոյանը` 63-րդ: Սպրինտին մասնակցելուց, մարզիչների հետ համատեղ որոշմամբ, հրաժարվել էին:

Yerkir.am-ի հետ զրույցում դահուկորդ Սերգեյ Միքայելյանը նշեց, որ ինքը լավ մարզավիճակում է և փորձելու է լավ հանդես գալ 15 կմ մրցատարածությունում:

«Ցանկացած մրցումից առաջ էլ հուզվածություն կա, պարզապես փորձում ենք այն պահել չափի մեջ: 30 կմ մրցատարածությունից հրաժարվեցինք, որպեսզի հնարավորություն ունենանք հանգստանալու: Ինչ վերաբերում  է մարզավիճակիս և սպասելիքներին, լավ մարզավիճակում ենք և աշխատելու ենք ավելի լավ հանդես գալ, քան նախորդ մրցատարածությունում»,- ասաց նա:

Փետրվարի 14-ին դահուկորդներ Արթուր Եղոյանն ու Սերգեյ Միքայելյանն իրենց ուժերը կչափեն 15 կմ մրցատարածությունում: