Հայերի եւ թուրքերի միջև չկա գենետիկ տարբերություն. թուրք գիտնական

Ըստ agos.com-ի` Թուրքիայում գենետիկայի ոլորտի մասնագետներից Օմեր Գյոքչումենը ասել է. «Չկա ո'չ քրդի, ո'չ էլ ֆրանսիացու գեն: Ժամանակին հայերի և թուրքերի միջև հետազոտություն է կատարվել և գենետիկ տարբերություն չի հայտնաբերվել։ Բայց սա դեռևս չի նշանակում, որ հայ և թուրք ցեղեր գոյություն չունեն, քանի որ նրանք մշակույթային տեսանկյունից գոյություն ունեն։ Հասարակություններին կենսաբանորեն դասակարգելը թե' հարցի լուծում չէ, թե' կարող է մի շարք խնդիրներ ստեղծել»:

Գյուքչումենը պնդում է, որ, քրդի և թուրքի ԴՆԹ-ն վերցնելով, ոչ-ոք չի կարող ապացուցել, որ նրանք տարբեր են:

«Հայերի եւ թուրքերի միջև գենետիկական տարբերություններ չկան: Սակայն սխալ կլինի հային ասել «դու թուրքի նման ես, թուրք ես» : Որովհետև մշակութային տեսանկյունից  տարբերություններ գոյություն ունեն: Սակայն թուրք ազգայնականների հետ վեճի ժամանակ «հայ ցեղը գոյություն ունի, իսկ թուրքականը` ոչ» տպավորություն է ստեղծվում: Այդ իսկ պատճառով, ըստ իս, քաղաքական ելույթների ժամանակ պետք է հնարավորինս խուսափել «ցեղ» բառի օգտագործումից»,- ասել է Գյուքչումենը: