Գալուստ Սահակյանը Փոստանջյանին ''յոթհարկանիով'' կպատասխաներ

Արդեն տեղեկացրել ենք, որ Ստրասբուրգում ընթացող Եվրոպայի խորհրդի Խորհրդարանական վեհաժողովում ԱԺ «Ժառանգություն» խմբակցության քարտուղար Զարուհի Փոստանյանը ՀՀ նախագահ Սերժ Սարգսյանից հետաքրքրվել է, թե արդյոք ճի՞շտ է, որ ինքը եղել է Եվրոպայի խաղատներից մեկում ու 70 միլիոն եվրո տանուլ տվել:

Yerkir.am-ի հետ զրույցում, անդրադառնալով Փոստանջյանի այդ հարցին, ԱԺ ՀՀԿ խմբակցության ղեկավար Գալուստ Սահակյանը արձագանքեց. «Ադրբեջանական գաղափարախոսություն է, որովհետեւ ադրբեջանցիներն այնքան ակտիվ չէին, դրա համար ինչ-որ մեկը մերոնցից նրանց գաղափարախոսությունը շտապեց արտահայտել ԵԽԽՎ-ում»:

Նա վստահեցրեց, որ Փոստանջյանի հարցը չէր արտահայտում հայկական պատվիրակության դիրքորոշումը: Սահակյանը համարում է, որ նախագահը պատասխանեց նախագահին վայել ձեւով, ինքը` Սահակյանն ավելի կոշտ եւ կոպիտ կլիներ: Հարցին, թե` Դուք ինչպե՞ս կպատասխանեիք, արձագանքեց. «Յոթհարկանիով»: