Արտագաղթի մասին հումորով ես ու վարչապետն ենք կարողանում խոսել. Վարդան Պետրոսյան

Վարդան Պետրոսյանի «Ամեն երկուշաբթի» ներկայացումը հոկտեմբերի 1-ից Հակոբ Պարոնյանի անվան թատրոնի դահլիճից տեղափոխվում է մեծ` Գաբրիել Սունդուկյանի անվան թատրոնի դահլիճ:

Լրագրողների հետ զրույցում դերասանը նշեց, որ  Հ. Պարոնյանի անվան թատրոնի դահլիճն արդեն փոքր էր ներկայացման համար, քանի որ «ներկայացման ընթացքը շատ լավ է առաջ գնում»:

Ըստ Պետրոսյանի` ներկայացման ժամանակ, ինչպես միշտ, ինքը հումորի միջոցով անդրադառնում է այնպիսի ցավոտ խնդիրների, ինչպիսիք են` թանկացումները, ընտրությունները եւ արտագաղթը. «Արտագաղթի մասին հումորով խոսելը հեշտ չէ. դա հաջողվում է միայն ինձ ու վարչապետին»:

Ինչպեսեւ կանխավ խոստացվել էր, ներկայացման ժամանակ հանդիսատեսին անակնկալ է մատուցվում. ներկայացման վերջում հանդիսատեսը, ձեռք ձեռքի բռնած, երգում է «Ով սիրուն, սիրուն»-ը: «Շատ, շատ դժվար է մեր օրերում հային երգեցնելը. սա հոգեփոխության պես մի բան է: Մենք տեսնում ենք, թե ինչպես է հայը փոխվում, եւ նա փոխվում է, քանի որ ցանկություն ունի փոխվելու»,- նշեց դերասանը:

Մանրամասները` տեսանյութում: