Բացարձակ անկախ պետություն չկա. ՀՀԿ-ականը` մեր ինքնիշխանության մասին

Ինչպես իրեն հարգող ցանկացած ՀՀԿ-ական` Մկրտիչ Մինասյանն էլ այսօր լրագրողների հետ հանդիպման ժամանակ հայտարարեց, որ Մաքսային միությանն անդամագրվելու` Սերժ Սարգսյանի որոշումն իր համար ոչ միայն ընդունելի էր, այլ նաեւ ողջունելի:

«Եթե «եւ, եւ»-ը չի ստացվում, իսկ ես կարծում եմ, որ այն դեռեւս ստացվելու է, ապա «կամ, կամ»-ի դեպքում, իհարկե, առաջնահերթը պետք է լինի ազգային անվտանգության խնդիրը»,- հայտարարեց ՀՀԿ-ական պատգամավորը:

Yerkir.am-ի հարցին ի պատասխան, ՀՀԿ-ական պատգամավորն ընդգծեց, որ, իր կարծիքով, Սերժ Սարգսյանի վրա ճնշումներ չեն գործադրվել:

Հարցին` ի վերջո, Սերժ Սարգսյանն այստե՞ղ էր որոշում կայացրել, թե՞ տեղում` Մոսկվայում, Մինասյանը պատասխանեց, որ համոզված է` այստեղ` Հայաստանում:

Դիտարկմանն էլ, թե արդյո՞ք Մաքսային միությանն անդամագրվելը չի վնասում մեր երկրի ինքնիշխանությանը, ՀՀԿ-ական պատգամավորն առավել քան ուշագրավ պատասխան տվեց, որն առաջարկում ենք դիտել մեր տեսանյութում: