Խնդիրը վերջացավ, էլ թշնամիներ հո չե՞ն մնալու. ՀՀԿ-ականը՝ Սարգսյանի եւ Ծառուկյանի մասին

ԱԺ ՀՀԿ խմբակցության պատգամավոր Հակոբ Հակոբյանի համոզմամբ` Սերժ Սարգսյանն ու Գագիկ Ծառուկյանը չեն կարող հավերժ թշնամիներ մնալ:

«Շատ վատ է թշնամություն անելը: Վեճեր լինում են, անգամ` մարդ է սպանվում, ինչ-որ ժամանակ հետո նորից նույն հարաբերություններն են ունենում կողմերը: Ես համոզված եմ, որ խնդիրը կար, վերջացավ խնդիրը, էլ թշնամիներ հո չե՞ն լինելու»,-լրագրողների հետ զրույցում ասաց նա:

Հարցին, թե խնդիրը Գագիկ Ծառուկյանին քաղաքականությունից հեռացնե՞լն էր, Հակոբյանը պատասխանեց «Ես նման բան չասացի: Սերժ Սարգսյանը խորհրդի նիստին չի ասել, որ Գագիկ Ծառուկյանին պետք է հանել քաղաքական դաշտից: Ես մի երկու անգամ լսել եմ իր հայտարարության մեջ, որ ամենաշատն ինքն իր ցանկությամբ դուրս է եկել քաղաքականությունից: Ցանկացած մարդ ինքն է որոշում իր ճակատագիրը և ինքը որոշել ու դուրս է եկել»: