Ծիրանի իրացման խնդիրների պատճառով գյուղացիները փորձում են փակել միջպետական ավտոճանապարհը

Արմավիրի մարզի Հացիկ, Մյասնիկյան, Խանջյան համայնքների բնակիչները փորձում են փակել Արմավիր-Գյումրի միջպետական ճանապարհը. տեղեկացնում է alttv.am-ը:

Բողոքի ակցիայի պատճառն այն է, որ գյուղացիները չեն կարողանում իրացնել ծիրանի առատ բերքը: Մասնավոր ընկերությունների հետ բանավոր պայմանավորվածության չկատարման հետեւանքով գյուղացիները կանգնել են փաստի առաջ, ծիրանը թափվում է ծառերի տակ: Ըստ գյուղացիների` մասնավոր գնորդը, առիթից օգտվելով, իր գինն է թելադրում, որը չի գոհացնում այգետերերին: Գնորդը ծիրանի 13 կգ-անոց արկղը գյուղացուց գնում է 1500-2000 դրամով:

alttv.am-ը տեղեկացնում է, որ ոստիկանները գյուղացիներին չեն թողնում ճանապարհը փակել: Գյուղացիները պահանջում են գյուղնախարարի հետ հանդիպում, նրանք արդեն 4 ժամ է` սպասում են, իսկ գյուղնախարարությունից ոչ ոք չկա:

Լուսանկարները` alttv.am-ի