Հաշիվն ինձ զարմացրեց, բայց խաղը՝ ոչ. Վարդան Մինասյան

Աշխարհի 2014թ. առաջնության ընտրական փուլի՝ Դանիա –Հայաստան հանդիպումից հետո կայացած մամուլի ասուլիսի ժամանակ Հայաստանի ազգային հավաքականի գլխավոր մարզիչ Վարդան Մինասյանը նշել է, որ վերջին երկու խաղերի արդյունքները պատահականություններ չէին. հաղորդում է ՀՖՖ պաշտոնական կայքը:

«Հոգեբանությունը. Մալթայի դեմ տարած  պարտությունից հետո ընկճվածություն կար, բայց մենք այսօր տեսանք այն հավաքականը, որին սովոր ենք տեսնել: Այս արդյունքը պատահականություն չէր: Խաղի հաշիվն ինձ համար անակնկալ էր, բայց խաղը՝ ոչ: Ես չեմ կենտրոնանում հաշվի վրա, ինձ համար կարեւորը ցուցադրած խաղն է եւ արդյունքը: Հենց սկզբից նման մարտավարություն էինք ընտրել: Պետք էր պաշտպանվել եւ հակագրոհների ժամանակ փորձել օգտագործել ազատ տարածությունները: Դժվարը հենց առաջին գոլն է, որը մենք արագ խփեցինք: Հայաստանը կպայքարի ցանկացած խաղում հաղթելու համար: Եթե հաղթենք յուրաքանչյուր խաղում, ապա կհասնենք ցանկալի արդյունքի: Հանդիպման լավագույն խաղացողին դուք ընտրեք, ես չեմ կարող ասել»,- ասել է մարզիչը: