Վաղվա խաղը մեզ համար շատ կարևոր է. Վարդան Մինասյան

Հայաստանի ազգային հավաքականի գլխավոր մարզիչ Վարդան Մինասյանն այսօր կայացած մամուլի ասուլՙիսի ժամանակ լրագրողներին ասաց, որ մեր հավաքականի` խմբից դուրս գալու շանսերը փոքր են, բայց, այնուամենայնիվ, կան:

«20 ֆուտբոլիստ ենք հրավիրել հավաքական: Արթուր Եդիգարյանը դեղին քարտ ունի. նա չի խաղալու: Եվս մեկ խնդիր կա. Մասիս Ոսկանյանի մասնակցությունը հարցականի տակ է, նա վնասվածք ունի: Մնացած ֆուտբոլիստները պատրաստ են խաղին: Ինչ վերաբերում է Ռոման Բերեզովսկուն` առաջին երկու մարզումները նա այդքան էլ լավ չանցկացրեց, բայց երեկ լավ մարզվեց և մեզ հույս տվեց, որ նա վաղվա խաղին պատրաստ կլինի 100%-ով: Էդգար Մանուչարյանին չհրավիրելու պատճառն այն է, որ վերջերս նա իր պոտենցիալը ցույց չի տալիս:

Մենք խմբից դուրս գալու  չնչին շանս ունենք, բայց, այնուամենայնիվ, ունենք:  Մեզ համար շատ կարևոր է վաղվա հանդիպումը նրանով, որ մենք հնարավորություն ունենք վարկանիշով բարձրանալու: Այժմ մենք չորրորդ զամբյուղում ենք, հնարավորություն ունենք բարձրանալու երրորդ զամբյուղ: Վաղվա խաղին մեր մոտիվացիան շատ բարձր է:

Ճիշտ է` Սոֆիայում մենք սադրանքների զոհ դարձանք, ինչ-որ տեղ կարգապահությունն էլ իր տեղն ուներ: Վաղվա խաղում կենտրոնանալու ենք միայն խաղի վրա»,- ասաց Մինասյանը:

իշեցնենք, որ Հայաստանի ազգային հավաքականը Աշխարհի 2014թ. առաջնության ընտրական փուլի շրջանակներում հոկտեմբերի 11-ին` ժամը 20:00-ին, Վազգեն Սարգսյան անվան «Հանրապետական» մարզադաշտում կընդունի Բուլղարիայի ազգային ընտրանուն, որից հետո` հոկտեմբերի 11-ին, Իտալիայի Նեապոլ քաղաքում ուժերը կչափի աշխարհի քառակի չեմպիոն Իտալիայի հետ: