2,5 տոկո՞ս, էդ ե՞րբ. էկոնոմիկայի նախարարին զարմացրեց ՎԶԵԲ-ի կանխատեսումը

ՎԶԵԲ-ը կանխատեսում է հրապարակել, ըստ որի` ՀՀ տնտեսական աճը կկազմի 2,5 տոկոս` կառավարության նշած 4,2 տոկոսի փոխարեն:

ՀՀ էկոնոմիկայի նախարար Վահրամ Ավանեսյանը ծանոթ չէ ՎԶԵԲ-ի կանխատեսումներին: Այսօր կառավարության նիստից հետո նախարարը, լրագրողներից լսելով այդ մասին, զարմացած հարցրեց. «2,5 տոկո՞ս, էդ ե՞րբ…»: Այնուհետեւ, տեղեկանալով, որ երեկ է ՎԶԵԲ-ը նման կանխատեսում հրապարակել, նշեց, թե չի կարծում, որ Հայաստանը կունենա ընդամենը 2,5 տոկոս տնտեսական աճ:

«Դա կանխատեսում է, իսկ մեր կանխատեսումներով` տնտեսական աճը կկազմի 4,2 տոկոս»,- ասաց նախարարը ու շտապեց հեռանալ` այդպես էլ չպատասխանելով լրագրողների մյուս հարցերին: