Հայաստանի կրթական համակարգի միջազգային ճանաչելիությունը մեծանում է

Երևանի Մ.Հերացու անվան պետական բժշկական համալսարանը ճանաչում է ձեռք բերել ԱՄՆ Կալիֆոռնիայի բժշկական խորհրդի կողմից: Այսուհետև ԵՊԲՀ այն շրջանավարտները, ովքեր ուսումնառության ընթացքում ուսանել են հայերենով, հնարավորություն կստանան դիմելու` Կալիֆոռնիայի հետբուհական վերապատրաստման վկայական ստանալու համար:

Մեր համալսարանը գրանցված է նաև Կալիֆոռնիայի բժշկական խորհրդի պաշտոնական վեբ-կայքում` պաշտոնապես ճանաչված բժշկական հաստատությունների ցանկում, հետևյալ հասցեով՝ http://www.mbc.ca.gov/applicant/schools_recognized.html:

Ներկայումս համալսարանի միջազգային կապերի բաժինը համապատասխան աշխատանքներ է տանում Կալիֆոռնիայի բժշկական խորհրդի կողմից անգլերենով և ռուսերենով դասավանդվող համալսարանական ծրագրերի ճանաչման ուղղությամբ:

Հիշեցնենք, որ մինչ այս ԵՊԲՀ-ն ճանաչվել էր նաև արտասահմանյան մի շարք երկրների բժշկական խորհուրդների կողմից: