ՀՀ նախագահի թեկնածուներից մեկն աղանդավո՞ր է

ՀՀ նախագահի թեկնածուներից մեկն աղանդավոր է. այս մասին այսօր լրագրողների հետ հանդիպման ժամանակ ասաց «Քայքայիչ պաշտամունքից տուժածների օգնության և վերականգնողական կենտրոն» ՀԿ նախագահ Ալեքսանդր Ամարյանը:

Սակայն Ամարյանն այդպես էլ անուն չնշեց` ասելով, որ ինքն ուղղակի փաստն է ամրագրում:

«Հայաստանի բնակչության 210-220 հազարը քայքայիչ աղանդների հետևորդներ են: Տարեցտարի աղանդավորների թիվն աճում է»,-ասաց Ամարյանը եւ հավելեց, որ Ավետարանական եկեղեցին նույնպես վարում է աղանդավորական գործունեություն, քանի որ ինչ-որ ՀԿ-ի կցորդ է:

Նա նշեց նաեւ, որ վերջերս ԶԼՄ-ներում շահարկվող այն կարծիքը, թե Հայաստան է մուտք գործել նոր` «Աստծո հարսնացուները» և «Կենդանի հավատք» աղանդները, այնքան էլ իրականությանը չեն համապատասխանում, քանի որ այդ կրոնական կառույցները նոր չեն մուտք գործել Հայաստան, պարզապես ԶԼՄ-ներին են այժմ հայտնի դառնում: