Արամ Հարությունյանը ներկայացրեց ինքնաբացարկի դիմումը

ՀՀ նախագահի թեկնածու, «Ազգային համաձայնություն» կուսակցության նախագահ Արամ Հարությունյանը քիչ առաջ Կենտրոնական ընտրական հանձնաժողով է հանձնել իր ինքնաբացարկի դիմումը: Այս մասին yerkir.am-ի հետ զրույցում ասաց նախկին թեկնածուն:

Հարցին` արդյոք ավարտված համարո՞ւմ է իր  առաքելությունն այս  ընտրություններում, Ա. Հարությունյանը պատասխանեց. «Ամեն ինչ դեռ նոր է սկսվում. պետք է հասնել նրան, որ տեղի ունենան արտահերթ խորհրդարանական ընտրություններ: Մեր մեխանիզմը բոյկոտն է»,- ասաց նա և հավելեց, որ որևէ թեկնածուի չի սատարելու:

«Ինչպե՞ս կարող եմ սատարել որևէ մեկին, երբ ասում եմ` ընտրություններն անօրինական են»,- նշեց նա:

Հիշեցնենք, որ այսօ՝ ժամը 18.00-ին, լրանում է ՀՀ նախագահի` փետրվարի 18-ի ընտրություններին գրանցված թեկնածուների` ինքնաբացարկ հայտնելու վերջնաժամկետը: