Հավատում եմ, որ հայրս ինձ տեսնում է. Մխիթարյան

Վալանսում` Լյուքսեմբուրգի ազգային հավաքականի հետ Հայաստանի ազգային հավաքականի հանդիպումից առաջ ֆրանսիական հեռուստաընկերությունները նկարահանել են Հայաստանի ազգային հավաքականի կիսապաշտպան Հենրիխ Մխիթարյանին, ով ազգային հավաքականի կազմում Վալանս էր ժամանել իր հոր` Համլետ Մխիթարյանի Վալանսում հանդես գալուց 18 տարի անց:

Հաղորդման հեղինակը նշում է, որ խաղադաշտ մտնելը բեմ մտնելու նման է` միշտ տարբեր է ու միշտ եզակի, եւ որ Հենրիխ Մխիթարյանի համար «Ժորժ Պոմպիդու» մարզադաշտը հատուկ նշանակություն ունի, քանի որ նա այնտեղ է եկել Հայաստանի ազգային հավաքականի հետ, բայց իրենից 24 տարի առաջ նրա հայրը` Համլետ Մխիթարյանը, հանդես է եկել Վալանսում: 

Հենրիխ Մխիթարյանն իր խոսքում նշում է, որ հայրը Վալանսում խաղացել է յոթ տարի, հետո վերադարձել է Հայաստան, որտեղ եւ կնքել է իր մահկանացուն, բայց  կյանքը շարունակվում է. «Ես հավատում եմ, որ նա ինձ նայում է եւ հպարտ է...»:

Մարինա Թաշչյանը` Հենրիխի մայրը, նշել է, որ իր համար հուզիչ է ամեն ինչ եւ հաճելի, քանի որ որդին խաղալու է այն նույն մարզադաշտում, որտեղ խաղացել նրա հայրը:

Տեսանյութը դիտեք այստեղ: