Հայրս չկարողացավ համոզել Խրուշչովին` չտալ Ղրիմը Ուկրաինային. Ստեփան Միկոյան

Ստալինի,  իսկ հետագայում Նիկիտա Խրուշչովի գլխավոր վստահելի անձ Անաստաս Միկոյանի որդին՝ վաստակավոր օդաչու  Ստեփան Միկոյանը, Комсомольская правда-ի հետ զրույցում ներկայացրել է Ղրիմի շուրջ ստեղծված իրավիճակի վերաբերյալ իր դիրքորոշումը

Նա նշել է, որ վաղուց էր դժգոհ, որ Խրուշչովը  հենց այնպես հանձնեց Ղրիմը Ուկրաինային: «Կարծում էի, որ Ղրիմը պետք է լինի Ռուսաստանի կազմում։ Այդ տեսանկյունից ինձ գոհացնում է կատարվածը: Սակայն ինձ թվում է` ամեն ինչ արվեց ոչ այնքան դիվանագիտորեն, չափազանց արագ, ինչը դժգոհություն և անհանգստություն առաջացրեց աշխարհում։ Այդ պատճառով էլ ես երկակի զգացողություն ունեմ»,- ասել է Միկոյանը։

Հարցին` ինչպե՞ս է Անաստաս Միկոյանը, լինելով  Խրուշչովի վստահելի անձը, արձագանքել Ղրիմը Ուկրաինային տալու փաստին, Ստեփան Միկոյանը նշել է, որ հայրը դժգոհ է եղել այդ որոշումից։ «Ղրիմի հանձնումը Խրուշչովի ինքնաբուխ և սխալ որոշումներից էր։ Խրուշչովն ինձ դուր չէր գալիս իր ինքնաբուխ որոշումների համար։ Հաճախ հորս հաջողվում էր հետ պահել նրան սխալներից։ Երբեմն, սակայն, ինչպես Ղրիմի դեպքում էր, նրան չէր հաջողվում համոզել»,- ասել է նա։

Ամբողջական հարցազրույցը` կայքի ռուսալեզու բաժնում: