Երեւի ինչ-որ բիծ էլ կթողնի. ՀՀԿ-ական

Այսօր ԱԺ-ում Yerkir.am-ը ԱԺ ՀՀԿ խմբակցության պատգամավոր Վահե Հակոբյանին խնդրեց մեկնաբանել նախագահի թեկնածու Պարույր Հայրիկյանի հետ կապված միջադեպը:

«Իհարկե, բոլորն էլ մեկնաբանում են, որ շատ բացասական երեւույթ է, որ մեր իրականության մեջ տեղի է ունեցել: Բնականաբար, դատապարտելի է եւ իսկապես հարված էր մեր պետությանը»,- հայտարարեց ՀՀԿ-ական պատգամավորը` հավելելով, որ դա հարված էր իշխանություններին, ՀՀ յուրաքանչյուր քաղաքացուն:

Միջադեպը, ըստ Հակոբյանի, ձեռնտու էր բոլոր նրանց, ովքեր ցանկանում են հետաձգել ՀՀ-ի զարգացումը: Դիտարկմանը` քարոզարշավը չհետաձգելը վատ անդրադարձ չի՞ ունենա ընտրությունների վրա, բիծ կթողնի՞, ՀՀԿ-ական պատգամավորն այդպես էլ չկարողացավ պատասխանել: «Դժվարանում եմ պատասխանել, երեւի ինչ-որ բիծ էլ կթողի»,- ասաց նա:

Նախագահական ընտրություններից հետո կադրային փոփոխություններ կլինեն, թե` ոչ, Վահե Հակոբյանը չգիտի: Հարցը որակելով «անիմաստ»` ՀՀԿ-ական պատգամավորը, չգիտես ինչու, իրենց ծրագիրը հիշեց: