Չախալյանի հարցը հայ-վրացական քննարկման առարկա չի դառնա

Արդեն հայտնել էինք, որ Վրաստանում ընդունված «Համաներման մասին» օրենքը չի տարածվել ջավախահայ ակտիվիստ Վահագն Չախալյանի վրա, թեև  համաներման ակտը տարածվում է այն հոդվածների վրա, որոնցով Չախալյանը դատապարտվել էր:
Այս առնչությամբ yerkir.am-ը հարց ուղղեց վրացագետ Հայկազուն Ալվրցյանին:

 - Պարո'ն Ալվրցյան, հնարավո՞ր է Չախալյանին ազատ չարձակելը վրացական իշխանությունների կողմից միտումնավոր քայլ լինի` կապված  Իվանիշվիլիի Հայաստան այցի հետ:  Արդյո՞ք Չախալյանի հարցը կարող է հայ-վրացական բանակցությունների  հենք հանդիսանալ:

 - Վահագն Չախալյանի հարցը երկու իշխանությունների միջև քննարկման առարկա չի դառնա: Դա նախապայման չի կարող լինել, որևէ բանի դիմաց նրան ազատ արձակելու համար:  Ես այդ հարցում լավատես չեմ. վրացական իշխանությունները նրան չազատելու բացմաթիվ հնարավորություներ ունեն, չեմ կարծում, որ Չախալյանը համաներմամբ կազատվի: Իհարկե, Աստվա'ծ տա, ազատվի: