Խի՞ պետք ա Սերժ Սարգսյանը չհաղթի. Տիգրան Արզաքանցյան

ՀՀԿ-ական գործարար Տիգրան Արզաքանցյանը չի բացառում, որ կրկին պատգամավոր դառնա: Այս մասին Արզաքանցյանը հայտնեց Yerkir.am-ի հետ զրույցում եւ ընդգծեց, որ ամեն ինչ կյանքը ցույց կտա:

Խոսելով ներքաղաքական զարգացումներից, մասնավորապես անդրադառնալով Գագիկ Ծառուկյանի չառաջադրվելու փաստին, ՀՀԿ-ական գործարարը շեշտեց. «Դա Գագիկ Ծառուկյանի ցանկություն էր, կարար առաջադրվեր, կարար չառաջադրվեր, ես ինչ կարամ ասեմ»:

Հարցին, թե հնարավոր է ճնշումներ են եղել, ՀՀԿ-ական գործարարն արձագանքեց. «Ինքը կիմանա` ճնշումներ եղել են, թե` ոչ: Էդ պահին ես ներկա չեմ եղել, չեմ տեսել, չգիտեմ»:

Արզաքանցյանը վստահ է, որ Սերժ Սարգսյանը հաղթելու է: «Մեծ թիմ ա, հզոր թիմ ա, մեծ աշխատանքներ են կատարվում, խի պետաք ա չհաղթի»,-հայտարարեց նա: