Ուկրաինայի ներկայիս վարչապետին Տիմոշենկոյի ճակատագիրը չի՞ սպառնում

Ուկրաինայի վարչապետ Նիկոլայ Ազարովը հայտարարել է, որ իրեն «չի վախեցնում» Յուլյա Տիմոշենկոյի ճակատագիրը. հաղորդում է Gazeta.ru-ն:  

«Ինձ համար, անկասկած, տհաճ է, որ նախկին վարչապետը դատապարտված է: Հասկանալի է, որ դա ինձ դուր չի գալիս: Իսկ ում համար է դա հաճելի՞, ասեք: Կգտնվի՞ մեկը, ով ինչ-որ մեկին կցանկանա դա: Իհարկե` ոչ»,- ասել է նա:

Ազարովին չի ընդունում նաեւ այն, որ միջազգային հանրությունը քննադատում է Տիմոշենկոյի դատավճիռը: Նրա խոսքերով` ոչ ոք չի կարդացել քրեական գործը, մեղադրանքը եւ չգիտի, թե ինչում են մեղադրում Տիմոշենկոյին, սակայն բոլորն ասում են, թե դատավճիռը քաղաքական որոշում էր:

«Այսինքն` ոչ ոք մեղավոր չէ, միայն` քաղաքականությունը: Ախր մինչ դա կողմնորոշվեք: Մենք այժմ մեր եվրոպացի գործընկերներին ասում ենք` փորձեք գլուխ հանել այդ գործից եւ ձեր գնահատականը տվեք»,- ասել է Ն. Ազարովը: