ԵՄ-ին սպառնում է ԽՍՀՄ-ի ճակատագիրը. Ջորջ Սորոս

Եվրամիությանը սպառնում է ԽՍՀՄ-ի ճակատագիրը, երբ սխալ տնտեսական քաղաքականությունը հանգեցրեց անխուսափելի փլուզման. հայտարարել է ամերիկացի ֆինանսիստ Ջորջ Սորոսը:

«Ես ծայրաստիճան անհանգստացած եմ այն բանից, որ եվրոն կարող է քայքայել Եվրամիությունըւ: Գոյություն ունի իրական սպառնալիք. եվրոյի գոտու ֆինանսական դժվարությունները կծնեն խորը քաղաքական հիմնախնդիր»,- ասել է նա հոլանդական հեռուստաալիքներից մեկին տված հարցազրույցում. տեղեկացնում է ИТАР-ТАСС-ը:

Ըստ Սորոսի` եվրոյի գոտու ներկայիս ղեկավարության ջանքերը` պահպանել միասնական արժույթը, կհանգեցնեն քաղաքական եւ սոցիալական խնդիրների, որոնք էլ, արդյունքում, կոչնչացնեն ԵՄ-ն:

Հարցին, թե` ի՞նչ պետք է անել եվրոյի գոտու փլուզումը կանխելու համար, Սորոսը պատասխանել է. «Գերմանիան պետք է հասկանա, որ քաղաքականությունը (կոշտ տնտեսական), որը նա վարում է եվրոյի գոտում, հակաարդյունավետ է: Այդ քաղաքականությունը հաջողություն չի բերի»: