Լոսանջելեսյան հանցախումբը հայեր են ղեկավարել

Երկու տարի տեւած հետաքննության արդյունքում Լոս Անջելեսում ձերբակալվել է 14 մարդ, ովքեր մեղադրվում են OxyContin դեղահաբեր ձեռք բերելու և վաճառելու մեջ: Ապօրինի գործարքը նրանք իրականացրել են հիմնականում ապահովագրական համակարգի կեղծարարության միջոցով. տեղեկացնում է Los Angeles Times-ը:

Ձերբակալվածների թվում Լոս Անջելեսի հիվանդանոցի երկու հայ աշխատակիցներ են` 43-ամյա Մայք Միքայելյանը և 52-ամյա Անժելիկա Սանամյանը: Հետաքննության վարկածով հենց նրանք են ղեկավարել հանցախումբը, որն ավելի քան մեկ միլիոն դեղահաբ է վաճառել փողոցում` 23-27 դոլարով եւ ստացել միլիոնավոր դոլարների շահույթ: 

Ձերբակալվածներին սպառնում է 10-40 տարվա ազատազրկում: