Պետական բուրդը խառնել էր սեփականի հետ

Պետական գույքի կառավարման վարչության շենքի մոտ երեկ երեկոյան բախվել էին երկու ավտոմեքենա: Վարորդները վիճում ու քաշքշում էին միմյանց: Իր «ակտիվ» վարքով հատկապես աչքի էր ընկնում մեքենաներից մեկի` 072 ՕՕ 01 համարանիշով Toyota մակնիշի ավտոմեքենայի վարորդը:

Մեր տեղեկություններով` 072 ՕՕ ... համարանիշներով մեքենաները պատկանում են Ազգային ժողովի աշխատակիցներին, նաեւ` Մարդու իրավունքների պաշտպանի գրասենյակին: Տեղեկությունը ճշտելու համար կապվեցինք ՄԻՊ մամուլի խոսնակ Մարիամ Բարսեղյանի հետ: Նա հաստատեց, որ այդ համարանիշով մեքենան պատկանում է իրենց գրասենյակին, սակայն այն ոչ թե Toyota մակնիշի է, այլ «ԳԱԶ 31», եւ որ վարորդն էլ հերքել է, թե վթարի է ենթարկվել:

Մնում է ենթադրել, որ վարորդը պետհամարանիշը «ԳԱԶ 31»-ից հանել եւ ամրացրել է իր անձնական ավտոմեքենային: