Համաշխարհային աստղերը` Ցեղասպանության զոհերի հիշատակին

Սերժ Թանգյանը, Սթիվի Ուոնդերը, Ալ Ջերոն եւ աշխարհահռչակ այլ աստղեր նոյեմբերի 1-ին Լոս Անջելեսում համատեղ համերգ են տալու` նվիրված Հայոց ցեղասպանության զոհերի հիշատակին: Այս միջոցառումը սկիզբն է լինելու համերգային մի մեծ նախագծի, որն իրականացվելու է մինչեւ 2015 թվականը` Ցեղասպանության 100-ամյակին: Այս մասին Yerkir.am-ին ասաց համերգաշրջանի հայկական կողմի կազմակերպիչ Ժիրայր Դադասյանը:

Ամեն տարի միջոցառումներ, համերգներ են կազմակերպվելու տարբեր երկրներում, որին մասնակցելու են այդ երկրների աստղերը: Նախատեսվում է, որ եվրոպական երկրներում կայանալիք համերգներին ներկա են լինելու նաեւ Փիթեր Գաբրիելը, Մոնսերատ Կաբալիեն, Շառլ Ազնավուրը եւ այլք:

Համերգաշրջանն իրականացվում է ՀՀ նախագահի բարձր հովանու ներքո, իսկ ֆինանսավորումը կատարվում է մասնավոր սեկտորի կողմից: