Սպորտն օգնում է քեզ, օգնում է միայնակ չգզալ. Նաստասյա Կինսկիի նոր կինոնախագիծը` մարզիկների ասին

«Ոսկե ծիրան» կինոփառատոնի շրջանակներում անվանի դերասանուհի Նաստասյա Կինսկին ներկայացրեց իր` «Անհնարը ոչինչ է» նոր կինոնախագիծը: Կինսկին նշեց, որ նախագիծը գրել է, որովհետև դեռ մանկուց է զգացել, թե ինչ կարևոր է իր համար սպորտը. սպորտը կարևոր է, քանի որ այն ուժ է տալիս: «Այն օգնում է քեզ միայնակ չզգալ, երբ դու հանդես ես գալիս թիմով: Ծրագիրը ներառելու է մարզիկների և երեխաներ աշխարհի բոլոր մասերից. եթե հնարավոր է, կուզեի նաև Հայաստանը ներգրավել իմ` այս ծրագրում»,-ասաց Կինսկին: Ըստ նրա` ամեն ինչ իր սկիզբն ունի, իր դեպքում` այս վավերաշարի սկսվելը.«Նախագծում կա նաև մի երգ, որը հավատի և երազանքի մասին է, կարծում եմ` ամեն ինչ սկսվում է հավատից»:

 Դահլիճում ներկա էին նաև հայազգի մարզիկներ, որոնց հետ էլ Կինսկին սկսեց զրուցել և հետաքրքրվել` ինչպես են որոշել զբաղվել սպորտով: Կինսկին, ի դեպ, զրուցելով մեր մարզիկների հետ, ուզում էր որոշել` կարող են արդյոք նրանք մասնակցել իր նախագծին: