"Ինչքան կարըմ` ախշտըմ ենք"

Կա՞ն, արդյոք, ռեալ հաշվարկներ, թե ՀՀ նախագահի` 2008 թվականի նախընտրական ծրագրում ներառված խոստումների որ մասն է կատարվել մինչ օրս:

Yerkir.am-ի այս հարցադրմանը Սիսիանում ՀՅԴ կազմակերպած այսօրվա հանրահավաքի մասնակից, ԱԺ ՀՅԴ խմբակցության անդամ Արծվիկ Մինասյանը պատասխանել է. «Դաշնակցությունը հետեւել է եւ անգամ վերլուծություններ է կատարել այս առումով: Ըստ այդմ` երկրի ղեկավարի խոստումների գրեթե 70 տոկոսը չի իրականացվել, 30 տոկոսը կատարվել է որոշակի մասով կամ վերապահումներով: Սոցիալ-տնտեսական, ժողովրդագրական բարելավման շրջանակներում ծնելիության բարելավման, բնակարանաապահովման ուղղություններով ծրագրերը խափանվել են»:

Արծվիկ Մինասյանը հայտնել է, որ կառավարության ձախողումները ներկայացվել են նախագահին եւ ստացել քաղաքական կոալիցիայի արձագանքը. «Եթե չեն արել, լավ են արել. վստահ ենք` հասարակությունը ըմբռնումով կմոտենա»: